حلوى ساهلة

موضوع: حلوى ساهلة الإثنين ديسمبر 22, 2014 1:28 pm

السلام عليكم ورحمة الله تعالى وبركاته

اليوم جبتلكم وصفة سهلة جدا ورائعة يعني اقتصادية وما تديش وقت

في التحظير يعني ما كان حتى حجة وتقولي ما عنديش الوقت وتفوتيها

على لي حاب يشرب قهوة بشي حاجة

[ندعوك للتسجيل في المنتدى أو التعريف بنفسك لمعاينة هذه الصورة]

شوفو شكلها رائع وطعمها اروع واذا ماعندكش المول تقدري دبري راسك

بمقلات تيفال والرسم لي من الفوق تقدري تعمليه برسم على ورقة وقصها

وتعملي عليها الشكولا او السكر قلاصي الشاطر يعرف واش يدير

المقادير

كأس فرينة

كأس غير ممتليئ حليب

2حبات بيض

لفاني

1خمارة الحلوى

1/2نصف كأس زيت

قليل جدا من الملح

سكر حوالي اربع ملاعق كبيرة

الطريقة

ناخذ البيض مع السكر الزيت ونخلط مليح نضيف الحليب ونخلط من جديد

ومن بعد نضيف نضيف الفرينة الخميرة ونخلط نتركها تريح قليلا ونبداو نطيبو

على نار قليلة جدا حتى تحمار من تحت نقلبها على الناحية الثانية

وكي تكملي عمليلها التزيين

كي قلت عمليها في مقلات را ح تغطيها من فوق بغطاء مناسب وتقدري تقلبيها بيه

باش طيبيها من الناحية الثانية هذه الطريقة جربتها قبل مانشري المول ونجحت فيها

ما راحش يكون نفس المنظر ولكن الذوق يبقى نفسه

صدقوني جربوها ورا ح تعجبكم

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

» ثلاثة حلويات اقتصادية ساهلة ولذيذة للمناسبات
» حلوى المناكير
» حلوى النستليه
» حلوى رائعة
» حلوى الكوك